Kurti dhe kabineti qeveritar bëjnë homazhe në Prekaz për 28-vjetorin e Epopesë së UÇK-së

10:38 | 6 Mars 2026
E.K

Kryeministri Albin Kurti, së bashku me kabinetin qeveritar, ka bërë homazhe në Kompleksin Memorial “Adem Jashari” në Prekaz, në shënimin e 28-vjetorit të Epopesë së Ushtrisë Çlirimtare të Kosovës.

Nga aty, Kurti tha se familjes Jashari i detyrohen një angazhim të përjetshëm për të ruajtur dhe mbrojtur shtetin.

“Sot Kosova ka ushtrinë e saj që natyrisht është amanet i kryekomandantit Adem Jashari. Bashkë me kolegë nga ekzekutivi dhe legjislativi në ditën e dytë të përvjetorit të 28 të Epopesë së UÇK erdhëm këtu në Prekaz në këtë kryeqendër të kryengritjes shqiptare që të bëjmë homazhe dhe të vendosim lule të freskëta dhe t’ia kujtojmë dhe përkujtojmë vetes çmimin e lartë që është paguar për shtetin e pavarur dhe sovran, për lirinë e popullit”, tha ai.